تېيىپجان ئېلىيوپ: تاللانغان شېئىرلار

ئۇيغۇر ئەسەرلىرى بۇ، تېيىپجان ئېلىيوپنىڭ شېئىرلىرىدىن تاللاپ تۈزۈلگەن توپلام بولۇپ، توپلامنى تېيىپجان ئېلىيوپ ئۆزى نەشرگە تەييارلىغان. شىنجاڭ خەلق نەشرىياتى 1985 - يىل 5 - ئايدا نەشر قىلغان. توپلام تېيىپجان ئېلىيوپ ئىجادىيىتىدە مۇھىم ئورۇن تۇتىدىغان شېئىرلاردىن تەركىب تاپقان بولغاچقا، تېيىپجان ئېلىيوپ شېئىرىي ئىجادىيىتىنىڭ جەۋھىرى دېمىسىمۇ بولىدۇ. بۇ توپلامغا شائىرنىڭ <جەڭچى ئاكامغا>، <زەپمۇ چىرايلىق كەلدى باھار>، <سەنئەت باھارى>، <نىمشېھىت خاتىرىسىگە>، <ۋەسىيەت> قاتارلىق شېئىرلىرى، رۇبائىيلىرى، تۇيۇقلىرى، غەزەللىرى تاللاپ كىرگۈزۈلگەن.