كېپەكىي

ئۆلچەم بىرلىكلىرى بۇ ئوتتۇرا ئەسىرنىڭ ئاخىرلىرىدا تۈركىي تىللىق مىللەتلەردە ئىشلىتىلگەن بىر خىل پارچە پۇلنىڭ نامى. دۆلەتشاھ سەمەرقەندى (تەخمىنەن 1345 - 1495) نىڭ <تەزكىرەتۇش - شۇئەررا> ناملىق ئەسىرىدە يېزىلىشىچە، ئەلشىر نەۋائىنىڭ مەدرىسلەر، مەسچىت - خانىقالار، ئامىي يوللار، رابات - ئۆتەڭلەر، كۆۋرۈكلەر، ھامماملار، جامائەت بىنالىرى، مۇساپىرخانىلار، شىپاخانىلار، سودا ئورۇنلىرى، سۇ ئىنشائات قۇرۇلۇشلىرى ۋە باشقا خەيرلىك ئىشلارغا سەرپ قىلغان خىراجىتى مۇئامىلىدە يۈرگۈزۈلىدىغان پۇل ھېسابىدا بەش يۈز تۈمەن كېپەكىيگە يېتىدىكەن.