ئانا سۈتى بىلەن بالا بېقىشنىڭ كەمچىللىكى يوقمۇ؟

نېمە ئۈچۈن ئانا سۈتى بىلەن بالا بېقىشنىڭ ئارتۇقچىلىقى ناھايىتى كۆپ، بىراق ئۇنىڭ بىر كەمچىللىكى بار. ئۇ بولسىمۇ ئانا سۈتى بىلەن بېقىلغان بالىلاردا <كېچىكىپ بايقاش خاراكتېرلىك ۋىتامىن K كەملىك كېسىلى> بولىدۇ. ئانا سۈتىدىكى ۋىتامىن K كالا سۈتىدىكىدىن تۆۋەن بولۇپ، ھەر 100 مىللىلىتىر ئانا سۈتى تەركىبىدە ۋىتامىن K 15 مىللىگرام بولىدۇ. بىراق ھەر 100 مىللىلىتىر كالا سۈتى تەركىبىدە 100 مىللىگرام ۋىتامىن K بولىدۇ. ئانا سۈتىدىكى ۋىتامىن K بىلەن كالا سۈتىدىكى ۋىتامىن K نىڭ پەرقى بولىدۇ. چوڭ ئۈچەي تاياقچە باكتېرىيىسى ۋىتامىن K نى بىرىكتۈرۈپ، ئادەم تېنىگە ئىشلىتىدۇ. بىراق ئانا سۈتى بىلەن بېقىلغان بالىلارنىڭ تېنىدىكى چوڭ ئۈچەي باكتېرىيىسى ئاز بولۇپ، بىرىكتۈرگەن ۋىتامىن K مۇ ئاز بولىدۇ. شۇڭا، ئانا سۈتى بىلەن بېقىلغان بالىلاردا ۋىتامىن K كەمچىللىكى سۈنئىي ئۇسۇلدا بېقىلغان بالىلارنىڭكىگە قارىغاندا 15 - 20 ھەسسە كەم بولۇش ئېھتىماللىقى بار. ئادەتتىكى ئەھۋالدا، ۋىتامىن K نىڭ كەملىكى روشەن بىلىنمەيدۇ. بالىنىڭ ئىچى سۈرگەندە ياكى ئىممۇنىتېت ئوكۇلىنى ئىشلەتكەندە، ئۈچەيدىكى چوڭ ئۈچەي تاياقچە باكتېرىيىسى ئازلاپ، ۋىتامىن K نىڭ كەمچىل بولۇش ئېھتىماللىقىنى پەيدا قىلىدۇ.