بىر ئايلىق بوۋاقلارغا بېلىق جېگىرى مېيى قانداق قوشۇپ بېرىلىدۇ؟

نېمە ئۈچۈن بېلىق جىگىرى مېيى بولسا بىر خىل ۋىتامىن تۈرىدىكى دورا بولۇپ، ئاساسلىقى ۋىتامىن A بىلەن ۋىتامىن D نى ئۆز ئىچىگە ئالىدۇ. ئانا سۈتى بىلەن كالا سۈتى تەركىبىدە ۋىتامىن D نىڭ مىقدارى ئازراق بولۇپ، مەيلى ئانا سۈتى بىلەن بېقىلغان ياكى سۈنئىي بېقىلغان بوۋاقلاردا بولسۇن، ئادەتتىكى ئەھۋالدا، نورمال تۇغۇلغان بوۋاقلارغا ئېيى توشقاندىن باشلاپ، بالدۇر تۇغۇلغان بوۋاقلارغا 15 - كۈنىدىن باشلاپ بېلىق جىگىرى مېيىنى تولۇقلاپ، كالتسىي، فوسفورنىڭ مېتابولىزمى ۋە سۈمۈرۈلۈشىنى ئىلگىرى سۈرۈش كېرەك. بېلىق جىگىرى مېيى تېمىتىش دورىسىنىڭ دورا شەكلى ھەرخىل بولۇپ، تەركىبىدىكى ۋىتامىن A، ۋىتامىن D نىڭ مىقدارىمۇ ئوخشىمايدۇ. قويۇقلاندۇرۇلغان بېلىق جىگىرى مېيىنى مىسالغا ئالساق، ھەر مىللىلىتىر بېلىق جىگىرى مېيى تەركىبىدە ۋىتامىن D نىڭ مىقدارى 5000 خەلقئارا بىرلىك، ھەر مىللىلىتىرى تەخمىنەن 20 تامچە بولۇپ، بۇنداقتا ھەر تامچىدىكى ۋىتامىن D تەخمىنەن 250 خەلقئارا بىرلىك بولىدۇ. بوۋاققا ھەر كۈنى بېرىلىدىغان ۋىتامىن D نى 400 خەلقئارا بىرلىككە يېتىدۇ دەپ ھېسابلىساق، بوۋاققا ھەر كۈنى ئىككى تامچە قويۇقلاندۇرۇلغان بېلىق جىگىرى مېيى بەرسىلا ئېھتىياجىنى قاندۇرىدۇ. ئادەتتىكى ئەھۋالدا بوۋاققا بېلىق جىگىرى مېيى تولۇقلاشنى بىر - ئىككى ياشقىچە داۋاملاشتۇرۇش. ئۇنىڭدىن سىرت كۆرسىتىپ بېرىشكە تېگىشلىكى، بېلىق جىگىرى مېيىنى نورمىدىن كۆپ ئىچۈرگەندە ئېغىر دەرىجىدە خەۋپ كېلىپ چىقىدۇ، شۇڭا دوختۇرنىڭ كۆرسەتمىسى ئاستىدا ئىلمىي ھالدا ئىچكۈزۈش كېرەك.