ھامىلىدار ئاياللارنىڭ يوپۇرماق كىسلاتاسىنى تولۇقـلىشنىڭ ئارتۇقچىلىقى بارمۇ - يوق؟

نېمە ئۈچۈن يوپۇرماق كىسلاتاسىنىڭ سۈپەتلىك پەرزەنت تۇغۇشتىكى رولىنىڭ بارغانسېرى ياخشى ئىكەنلىكىنى كىشىلەر تونۇپ يەتتى. تەتقىقاتتا بايقىلىشىچە، ھامىلىدار مەزگىلىدە يوپۇرماق كىسلاتاسىنى ئىستېمال قىلسا تۆۋەندىكىدەك رولى بار ئىكەن. 1. نورمال ھۈجەيرىنىڭ يېتىلىشىنى ئىلگىرى سۈرىدۇ. 2. قىزىل قان ھۈجەيرىسىنىڭ ئۆسۈپ - يېتىلىشىنى ئىلگىرى سۈرۈپ، ھامىلىدارلىق مەزگىلىدىكى زور - گۆدەك قىزىل قان ھۈجەيرىسى خاراكتېرلىك قان ئازلىق كېلىپ چىقىشنىڭ ئالدىنى ئالىدۇ ۋە داۋالايدۇ. 3. تەتقىقاتتا بايقىلىشىچە، ھامىلىدارلىق مەزگىلىنىڭ دەسلەپكى تۆت ئېيىدا يوپۇرماق كىسلاتاسىنى مۇۋاپىق ئىستېمال قىلسا، تۇغما دۆت بالىلارنىڭ ئەقىل بۆلۈنمىسىنى يۇقىرى كۆتۈرىدىكەن. ئادەتتە ئادەم بەدىنىنىڭ ھەر كۈندە ئېھتىياجلىق بولىدىغان يوپۇرماق كىسلاتاسى 400 مىكروگرام بولۇپ، ھامىلىدار ئاياللارنىڭ ئېھتىياجلىق بولىدىغىنى بۇنىڭدىن يۇقىرى. تەخمىنەن 800 مىكروگرام، شۇڭا ھامىلىدار ئاياللار مۇۋاپىق مىقداردا تولۇقلاپ بېرىشى كېرەك.