بوۋاقنىڭ ئىشتىھاسىزلىقنى كەلتۈرۈپ چىقىرىدىغان سەۋەبلەر قايسىلار؟
نېمە ئۈچۈن
بوۋاقلارنىڭ ئىشتىھاسىزلىقنى كەلتۈرۈپ چىقىرىدىغان ئاساسلىق ئامىللار تۆۋەندىكىچە:
1. ئاغرىپ قېلىش. ئېغىز يارىسى، جاۋىغاي ياللۇغى، قىزىش، جىگەر ياللۇغى قاتارلىقلارنىڭ ھەممىسى بوۋاقلارنىڭ ئىشتىھاسىغا تەسىر كۆرسىتىدۇ.
2. تاتلىق يېمەكلىكلەرنى بەك كۆپ يېيىش. بوۋاقلار تاتلىق يېمەكلىكلەرنى بەك كۆپ يېۋەتسە قان قەنتى ئۆرلەپ كېتىدۇ. قان قەنتى ئۆرلەپ بەلگىلىك سەۋىيىگە يەتكەندە تويغىچە يېيىش مەركىزىي نېرۋىنى غىدىقلاپ، بارا - بارا چوڭ مېڭىدىكى دۆڭچە مېڭىنىڭ ئوزۇقلىنىش مەركىزىنى تورمۇزلاپ، بوۋاقنىڭ ھەر قانداق يېمەكلىككە بولغان ھەۋىسىنى تۆۋەنلىتىۋېتىدۇ.
3. قوشۇمچە يېمەكلىك بېرىش بەك بالدۇر ياكى بەك كېيىن بولۇش. بوۋاققا قوشۇمچە يېمەكلىك قوشۇپ بېرىش ئالتە ئايلىقتىن كېيىن ياكى تۆت ئايلىقتىن بۇرۇن بولۇپ كېتىشنىڭ ھەممىسى بوۋاقنىڭ تەم سەزگۈسى يېتىلىشىگە تەسىر كۆرسىتىشى، ھەتتا مەڭگۈلۈك ئىشتىھاسىغا تەسىر كۆرسىتىشى مۇمكىن.
4. سىنك كەم بولۇش. بوۋاقلارنىڭ ئىشتىھاسى ياخشى بولماسلىقىنىڭ دائىم كۆرۈلىدىغان ئامىللىرىنىڭ بىرى.
5. ناچار ئوزۇقلىنىش ئادىتى. مەسىلەن: قەرەللىك تاماق يېمەسلىك، كۆڭۈل قويماسلىق ياكى مەجبۇرىي تاماق يېگۈزۈش قاتارلىقلار. ئۇنىڭدىن سىرت، پسىخولوگىيىلىك ئامىلمۇ بوۋاقلارنىڭ ئىشتىھاسىغا تەسىر كۆرسىتىدۇ