بالىنىڭ ئېغىرلىقى نېمىشقا ئۆزگەرمەيدۇ؟
نېمە ئۈچۈن
بالا ئەمدىلا بۇ دۇنياغا كۆز ئاچقاچقا، ھەرقانداق ئىشقا نىسبەتەن ماسلىشالمايدۇ ھەم ئانىمۇ بالا ئېمىتىشنى بەك بىلمىگەچكە، بالا ئېمىش جەريانىدا ناچار ھادىسىلەرنىڭ پەيدا بولۇشىدىن ساقلىنالمايدۇ. بۇ ۋاقىتتا جىددىيلەشمەڭ، بۇ بىر خىل ۋاقىتلىق ئەھۋال. ئانا بىلەن بالىنىڭ مۇناسىۋىتىنىڭ قويۇقلىشىشىغا ئەگىشىپ، بالىنى ياخشى ئېمىتمەسلىك مەسىلىسىمۇ ھەل بولىدۇ. بالىنىڭ ئېغىرلىقىمۇ بارغانسېرى ئاشىدۇ، ئەگەر بالا تۇغۇلغاندىن كېيىن داۋاملىق ياخشى ئېمەلمىسە، بەدەن ئېغىرلىقى ئاشماي، تۆۋەنلەپ كەتسە، بالىنىڭ زۇكام، ئۆپكە ياللۇغى، يۇقۇملۇق كېسەل، ئۈچەي ياللۇغى قاتارلىقلارغا گىرىپتار بولغان - بولمىغانلىقىغا نىسبەتەن ئەڭ ياخشىسى، دوختۇرخانىغا ئاپىرىپ، بىر قېتىم ئومۇميۈزلۈك تەكشۈرۈتۈش كېرەك.