ھەسەل ھەرىسىنىڭ خىسلىتى

ئۇيغۇر خەلق مەسەللىرى ھەسەل ھەرىسىنىڭ ناھايىتى قىسقا ئۆمۈر كۆرىدىغانلىقىنى، بولۇپمۇ ئىشچى ھەرىنىڭ ئاران 35 كۈن ئۆمۈر كۆرىدىغانلىقىنى ئاڭلىغان تاشپاقا ھەسەل ھەرىسىنىڭ يېنىغا ئۆمىلەپ كېلىپ: - ئۇكام ھەرىجان، سەن شۇنچە جاپا چېكىپ نېمە قىلىسەن؟ ئارتۇق جاپا جانغا جازا. تومۇزغىنىڭ 17 يىل ئۆمۈر كۆرىدىغانلىقىنى ئاڭلىغان بولغىيدىڭ؟ - دەپتۇ. - مەن ئۇنداق ياشاشقا خۇشتار ئەمەس. تومۇزغىغا ئوخشاش تەييارغا ھەييار بولۇپ ياشاش مەن ئۈچۈن نومۇس، - دەپتۇ ھەسەل ھەرىسى. - ئۇنداقتا، ئاق تۇرنىنىڭ 60 يىل ئۆمۈر كۆرىدىغانلىقىنى بىلمەمسەن؟ - مەن ئاق تۇرنىدەك دۇنيادىن بىغەم ئۆتۈشنىمۇ راۋا كۆرمەيمەن. - بولىدۇ ئەمىسە، مەندىن ئۆگەنگىن، ئەگەر ماڭا ئوخشاش پۈتۈن قىشنى ئۇخلاپ ئۆتكۈزۈشنى ئۆگىنىۋالساڭ، 100 ياش تۇرماق، 0100اشقا كىرىشىڭدىمۇ گەپ يوق... - ياخشى كۆڭلۈڭگە رەھمەت، - دەپتۇ ھەسەل ھەرىسى گەپنىڭ بېلىگە تېپىپ، - مېنىڭ ئۆمرۈم قىسقا بولسىمۇ، ئىنسانلار ئۈچۈن قوشىدىغان تۆھپەم چوڭ، بۇ مېنىڭ ئۆمرۈمدىكى ئەڭ زور خۇشاللىقىم! ئاغزى تۇۋاقلانغان تاشپاقا زۇۋان سۈرەلمەپتۇ. ھەسەل ھەرىسىنى غوڭۇلداپ ئۇچۇپ، گۈللۈككە كىرىپ كېتىپتۇ.