قارىياغاچ بىلەن قارىغاي

ئۇيغۇر خەلق مەسەللىرى سەن ئۆسىمەن دەپ كۆپ ئاۋارە بولما، - دەپتۇ قارىياغاچلاردىن بىرى يېنىدىكى ياش قارىغايغا. - نېمىشقا؟ - ئەگەر ئاسماندىن چاقماق چۈشسە، ئەڭ ئاۋۋال ئېگىز تۇرغان ساڭا تېگىدۇ. - خۇش، بۇنىڭ بىلەن نېمە دېمەكچىسەن؟ - دېمەكچى بولغىنىم: ئورمانلىققا ئوت كەتسە، بۇ ئاپەتتىن كۆپىمىز قۇتۇلالمايمىز؛ ئۇنداق بولمىغان تەقدىردىمۇ، سېنىڭ زەخمىلەنگىنىڭ زەخمىلەنگەن. - كەلگەن بالا - قازا مەن بىلەنلا تۈگەپ، باشقىلار ئامان قالىدىغانلا بولسا، ئۆسۈشتىن بىر مىنۇتمۇ توختىمايمەن، - دەپتۇ ياش قارىغاي. ئۆسۈشتە ئەل غېمىن ئويلىغان كىشى، قايغۇرماس خەتەرگە يولۇقسا بېشى.