ئارىش

دۇنيادىكى شەھەرلەر مىسىرنىڭ سىناي يېرىم ئارىلى مەمۇرىي رايونىنىڭ مەركىزى، سىناي يېرىم ئارىلىنىڭ ئەڭ چوڭ شەھىرى، مۇھىم ئىقتىساد، مەدەنىيەت مەركىزىي. شەھەر ئاھالىسى 35 مىڭدىن ئاشىدۇ. ئارىش سىناي يېرىم ئارىلىنىڭ يەر ئوتتۇرا دېڭىز ياقىسىغا جايلاشقان ئەڭ قەدىمىي شەھىرى. بۇ شەھەرنىڭ ئاساسى مىلادىدىن بۇرۇنقى 1000 - يىلدىن تارتىپ سېلىنغان بولۇپ، تارىختا مۇھىم ھەربىي ئورۇن بولغان. مىسىرنىڭ باشقا رايونلىرىغا ئوخشاشلا ئەنگلىيە، فرانسىيە قاتارلىق تاجاۋۇزچىلارنىڭ بۇلاڭ - تالاڭ قىلىشىغا ئۇچرىغان. 1967 - يىلىدىكى ئىككىنچى قېتىملىق ئوتتۇرا شەرق ئۇرۇشىدا ئىسرائىلىيە تەرىپىدىن بېسىۋېلىنغان، كېيىن مىسىر خەلقىنىڭ قاتتىق قارشىلىقى ئارقىسىدا ئىسرائىلىيە بۇ شەھەردىن چېكىنىپ چىققان. 1967 - يىلى 6 - ئايدا ئىسرائىلىيە 3 - قېتىملىق ئوتتۇرا شەرق ئۇرۇشىدا قايتا ئىگىلەپ ئالغان. 1973 - يىلى 10 - ئايدا مىسىر خەلقى ئىسرائىلىيىگە قارشى ئۇرۇش قىلىپ، سىناي يېرىم ئارىلىنىڭ بىر قىسمىنى ئىگىلىدى. ئارىش مىسىر بىلەن ئىسرائىلىيە ئوتتۇرىسىدا 1974-، 1975 - يىللاردا بولغان ئىككى قېتىملىق كېلىشىمىگە ئاساسەن مىسىر ھۆكۈمىتىگە تەدرىجىي قايتۇرۇپ بېرىلدى. شۇنىڭدىن تارتىپ مىسىر ھۆكۈمىتى ئارىش شەھىرىنى قايتا قۇرۇشقا باشلىدى. پىلان بويىچە بۇ جايدا نۇرغۇن سانائەت ئورۇنلىرى، ئاھالە تۇرار جايلىرى ۋە باشقا جامائەت ئورۇنلىرى قۇرۇلدى. شەھەرنىڭ ھەممە جايلىرى ئېلېكترلەشتۈرۈلدى. شەھەرنىڭ سانائەت، يېزا ئىگىلىك، بېلىقچىلىق ئىشلەپچقىرىشىدىمۇ يېڭى يۈكسىلىشلەر بارلىققا كەلدى. بۈگۈنكى ئارىش سىناينىڭ يېڭى سانائەت، مەدەنىيەت مەركىزىگە ئايلاندى.