ئاقتۆپە شەھىرى

دۇنيادىكى شەھەرلەر سوۋېت قازاقسىتان جۇمھۇرىيىتى ئاقتۆپە ئوبلاستىنىڭ مەركىزى، ئۇ ئورال دەرياسىنىڭ تارمىقى بولغان ئىپىك دەرياسىنىڭ سول قىرغىقىغا جايلاشقان. شەھەر ئاھالىسى 191 مىڭدىن ئاشىدۇ (1979). بۇ جاي 1869 - يىلىدا كىچىك بىر قىشلاق بولۇپ، شۇ ئاساستا تەرەققىي قىلىپ 1893 - يىلى شەھەر بولۇپ قۇرۇلغان. 1932 - يىلى ئوبلاست بولۇپ قۇرۇلغان. ئاقتۆپە دېگەن نام شۇ جاينىڭ تەبىئىي مەنزىرىسىگە ئاساسەن قويۇلغان. شەھەردە چوڭ تىپتىكى پولات - تۆمۈر بىرلەشمە كارخانىسى، ماشىنىسازلىق سانائەت ئورۇنلىرى، يېمەك - ئىچمەك زاۋۇتلىرى، ئالىي مەكتەپلەر، موزېيخانا، ئابسېرىۋاتورىيىلەر بار.