پوتسدام

دۇنيادىكى شەھەرلەر گېرمانىيە جۇمھۇرىيىتىنىڭ شەرقىي قىسمىغا جايلاشقان شەھەر، پوتىسدام رايونىنىڭ مەركىزى. پوتسدام بېرلىن شەھىرىنڭ 27 كىلومېتر غەربىي جەنۇبىدىكى خافىل دەريا بويىغا جايلاشقان، ئاھالىسى 121 مىڭدىن ئاشىدۇ. پوتسىدام 993 - يىلى قۇرۇلغان بىر كەنت بولۇپ، ئۇ ۋاقىتتا بو زتۇپىمى دەپ ئاتالغان. پوتسىدام 14 - ئەسىرگە كەلگەندە شەھەر بولۇپ قۇرۇلغان. 18 - ئەسىردىن 19 - ئەسىرگىچە پروسىيە پادىشاھلىقىنىڭ يازلىق سارىيى بولغان. 1945 - يىلى 7 - ئاينىڭ 15 - كۈنىدىن 8 - ئاينىڭ 2 - كۈنىگىچە سوۋېت ئىتتىپاقى، ئا ق ش، ئەنگىلىيىدىن ئىبارەت ئۈچ دۆلەت رەھبەرلىرى بۇ جايدا يىغىن ئۆتكۈزۈپ، ئۇرۇشتا يېڭىلگەن گېرمانىيە مەسىلىسىنى ھەل قىلىشقا دائىر <پوتسدام كېلىشىمى> نى ئىمزالىغان. پوتسدام مۇھىم تۆمۈر، تاشيول قاتناش تۈگۈنى، مۇھىم دەريا پورتى. شەھەرنىڭ ماشىنىسازلىق، ئېلېكتروۋوز، سوستاپ، كىمىسازلىق، نارۇك ماشىنىسازلىق، دوىگەرلىك توقۇمىچىلىق سانائەتلىرى تەرەققىي قىلغان. بۇلاردىن باشقا يەنە نەشرىياتچىلىق، يېمەك - ئىچمەك قاتارلىق سانائەت تارماقلىرى بار. شەھەردە ھەرخىل ئالىي بىلىم يۇرتلىرى، كىنو سىتودىيىسى، رەسەتخانا، ھاۋارايى ئىستانىسى، 18 - ئەسىردە قۇرۇلغان خان سارايلىرى، چېركاۋلار ۋە باشقا قەدىمىي تارىخىي ئورۇنلار بار.