كىشىنېۋ

دۇنيادىكى شەھەرلەر سوۋېت ئىتتىپاقى مولداۋىيە جۇمھۇرىيىتىنىڭ سىياسىي، ئىقتىسادىي ھەم مەدەنىيەت مەركىزى. بۇ شەھەر دېنسىتى دەرياسىنىڭ تارمىقى بلغان بېك دەريا بويىغا جايلاشقان. ئاھالىسى 624 مىڭدىن ئاشىدۇ (1985)، بۇ شەھەرنىڭ ئاساسى 1466 - يىلى سېلىنغان. 1812 - يىلى چارروسىيىگە قوشۇلغان، 1918 - يىلى رومىنىيىگە ئايرىلغان. 1940 - يىلى بىسسارابىيە بىلەن بىللە يەنە سوۋېت ئىتتىپاقىغا ئايرىلغان. كىشىنېۋ شەھىرىنىڭ شەھەر رايونىدا باغۋەنچىلىك تەرەققىي قىلغان بولۇپ، كۆپلەپ ئۈزۈم ئۆستۈرۈلىدۇ. ئۈزۈم ھارىقى، ئۈزۈم كونسېرۋاسى سوۋېت ئىتتىپاقى بويىچە داڭلىق. شەھەردە باغۋەنچىلىك ماشىنىلىرىنى ئىشلەپچىقىرىش، نزۇك ئەسۋاب - ئۈسكۈنىلەرنى ئىشلەش، بىرىكمە كاۋچۇك ئىشلەش ھەم سۈنئىي خۇرۇم ئىشلەش قاتارلىق سانائەتلەر بار. تۇپراقچىلىق، ئۈزۈم ھارىقى ئىشلەش، باغۋەنچىلىك قاتارلىق تەتقىقات ئورۇنلىرى بار.