سۇلتانلىق تۈزۈمى
دۇنيادىكى دۆلەت تۈزۈملىرى
سۇلتانلىق تۈزۈمى پادىشاھلىق تۈزۈمنىڭ بىر خىل شەكلى. سۇلتان ئەرەب تىلىنىڭ ئاھاڭ تەرجىمىسى بولۇپ، «خان» ياكى «نوپۇزلۇق ئادەم» دېگەن مەنىنى بىلدۈرىدۇ. سۇلتانلىق تۈزۈمىدىكى دۆلەت سۇلتان ھۆكۈمرانلىق قىلىدىغان دۆلەت دېگەنلىك بولىدۇ.
مىلادىيە10 - ئەسىردە ئەرەب دۆلەتلىرىدە سۇلتان دېگەن نام بار ئىدى.11 - ئەسىردىن كېيىن مىسىر، تۈركىيە قاتارلىق نۇرغۇن دۆلەتتىكى ھۆكۈمرانلار سۇلتان دەپ ئاتالغان. ھازىر سۇلتانلىق تۈزۈمدىكى دۆلەتتىن ئوتتۇرا شەرقتە ئومان سۇلتانلىقى، شەرقىي جەنۇبىي ئاسىيادا بىرۇنېي سۇلتانلىقى بار.