ساۋاتسىزلار ئەڭ كۆپ دۆلەت

دۇنيادىكى ئەڭلەر <ئاددىي ماقالىلارنىمۇ ئوقۇيالمايدىغان> ياكى <خەت - چەك يازالمايدىغان ۋە ئوقۇيالمايدىغان> كىشىلەر ساۋاتسىز، دەپ ئاتىلىدۇ. ساۋاتسىز دېگەن سۆزگە بېرىلگەن تەبىر بىردەك بولمىغانلىقتىن ھەمدە بەزى دۆلەتلەرنىڭ ستاتىستىكا قىلىشى يېتەرسىز بولغانلىقتىن، ساۋاتسىزلار سانىنى توغرا مۆلچەرلەش ناھايىتى قىيىن. 1961 - يىلدىكى مۆلچەرگە قارىغاندا، دۇنيا بويىچە 15 ياش ۋە 15 ياشتىن يۇقىرى كىشىلەر ئىچىدە ساۋاتسىزلار 39.3％ نى تەشكىل قىلغان. بىرلەشكەن دۆلەتلەر تەشكىلاتىنىڭ 1969 - يىلدىكى مۆلچەرگە قارىغاندا، ئىككى مىليارد 335 مىليون ياش قۇرامىغا يەتكەن ئادەم ئىچىدە 810 مىليون ساۋاتسىز بولۇپ، 34.7％ نى ئىگەللىگەن. ئافرىقىدا ساۋاتسىزلارنىڭ نىسبىتى ئەڭ كۆپ بولۇپ، ياش قۇرامىغا يەتكەنلەرنىڭ 81.5％ تى ساۋاتسىز ئىكەن. نېگىر جۇمھۇرىيىتىدە يېقىندىن بۇيانقى ساۋاتسىزلارنىڭ نىسبىتى 99.1％ ئىكەن. 1972 - يىلى 9 - ئاينىڭ 8 - كۈنى بىرلەشكەن دۆلەتلەر تەشكىلاتى مائارىپ، ئىلىم - پەن، مەدەنىيەت تەشكىلاتىنىڭ خەلقئارا ساۋاتسىزلىقىنى تۈگىتىش كۈنىدە ئېلان قىلغان سانلىرى تۆۋەندىكىچە: 1970 - يىلى، ئۈچ مىليارد 600 مىليون نوپۇس ئىچىدە، 783 مىليون ساۋاتسىز بولۇپ، بۇ 15 ياشتىن يۇقىرى ياش قۇرامىغا يەتكەن كىشىلەرنىڭ ئۈچتىن بىرىنى تەشكىل قىلغان. ئافرىقىدا 73.7％ ئادەم ساۋاتسىز ئىكەن. ئەرەب دۆلەتلىرىدىكى ساۋاتسىزلار ئومۇمىي نوپۇسىنىڭ 73％ نى تەشكىل قىلىدىكەن.