شىخەنزە شەھەرلىك 2 - ئوتتۇرا مەكتەپ

شىنجاڭ مائارىپى ئادەتتىكى ئوتتۇرا مەكتەپلەر مائارىپى پۈتۈن كۈنلۈك تۈزۈمدىكى مۇكەممەل ئوتتۇرا مەكتەپ. خەنزۇ تىلىدا دەرس ئۆتۈلىدۇ. 1956 - يىلى قۇرۇلغان. شىنجاڭ ئىشلەپچىقىرىش قۇرۇلۇش بىڭتۈەنى قارمىقىدىكى تۇنجى ئوتتۇرا مەكتەپ. ئەينى ۋاقىتتا، بىڭتۈەن شىخەنزە ئوتتۇرا مەكتىپى دېيىلگەن. 1957 - يىلى شىخەنزە شەھىرى قۇرۇلغاندىن كېيىن ھازىرقى نامغا ئۆزگەرتىلگەن. ئىگىلىگەن يەر كۆلىمى 63000 كۋادرات مېتىر، قۇرۇلۇش كۆلىمى 18000كۋادرات مېتىر. 1956 - يىلدىن بۇيان 14000 نەپەر ئوقۇغۇچى تەربىيىلىگەن. 80 دىن كۆپرەك ئوقۇغۇچى ھەرقايسى پەنلەردىكى مۇسابىقىلەردە مۇكاپاتلانغان. 1998 - يىلى مەملىكەتلىك تەنتەربىيە كومىتېتى <مەملىكەتلىك ئاممىۋى تەنتەربىيە خىزمىتىدىكى ئىلغار ئورۇن> دېگەن شەرەپلىك نامنى بەرگەن. 1999 - يىلدىكى ئوقۇغۇچى سانى 1890 دىن كۆپرەك، ئوقۇتقۇچى، ئىشچى - خىزمەتچىسى 166 نەپەر.