بانان پىرەنىكى

ئۇيغۇر تائاملىرى بانان بىر تال، بازار پىرەنىكى 50 گرام، ئاپېلسىن شۆپۈكى قىرىندىسى (ئۇششاق توغرالسىمۇ بولىدۇ) بىر ئاش قوشۇق، نېپىز ھەم ئۇششاق توغرالغان ياڭاق مېغىزى بىر ئاش قوشۇق، سوقۇلغان پىستە مېغىزى ئىككى ئاش قوشۇق. 1. بانان ئۇششاق توغرىلىپ، پىرەنىكلەر يۇمشاق ئېزىلىدۇ. ئاپېلسىن شۆپۈكى قىرىندىسى، ياڭاق مېغىزى ئۇۋۇندىسى قوشۇلۇپ خېمىر يۇغۇرۇلىدۇ. 2. بۇ خېمىردىن ياڭاق چوڭلۇقىدا زۇۋۇلىلار ئۈزۈلۈپ كۇمىلاچلىنىدۇ. سوقۇلغان پىستە مېغىزىغا مىلەپ تەخسە بىلەن داستىخانغا كەلتۈرۈلىدۇ.