ئەدەبىي تىل
ئەدەبىيات ئاتالغۇلىرى
ئومۇم خەلق تىلىغا ئاساسلانغان، گرامماتىكا ۋە ئومۇمىي ئەدەبىي تەلەپپۇز قائىدىسىگە ئىگە بولغان، بۇ قائىدىلەر ئارقىلىق جانلىق تىلدىكى ھەر خىللىقلارنى بىر خىللىققا ئېلىپ كەلگەن پەن ۋە ئەدەبىيات تىلى، يەنى بىرەر خەلق يېزىقىنىڭ مەتبۇئات تىلى. بەزىدە شۇ بىر خىل يېزىق بىر قانچە مىللەت خەلقى ئۈچۈنمۇ ئورتاق بولۇشى مۇمكىن؛ رەسمىي ئىش قەغەزلىرى، ئىدارە - مەكتەپلەردىكى دەرسلىك تىلى، پەن - تېخنىكا، پۇبلىتستىكا، بەدىئىي ئەدەبىيات تىلى، سۆز شەكلىدە، يازما ۋە ئاغزاكى شەكىللەردە ئىپادىلىنىدىغان مەدەنىيەتنىڭ بارلىق كۆرۈنۈشلىرى.