خاراكتېر
ئەدەبىيات ئاتالغۇلىرى
(گرېكچە charakter خۇسۇسىيەت سۆزىدىن)
ئادەملەردە خىلمۇ خىل ئىجتىمائىي مۇھىت ۋە تەربىيە تۈپەيلىدىن شەكىللەنگەن تۈرلۈكچە مىجەز - خۇلق ۋە پسىخولوگىيىلىك خۇسۇسىيەتلەر. كىشىلەرنىڭ مىجەز - خۇلقى ۋە خۇسۇسىيەتلىرى ئۇلارنى ئوراپ تۇرغان ئىجتىمائىي مۇھىت، ئائىلە ھەم مەكتەپ تەربىيىسىدە شەكىللىنىدۇ، ئۆزگىرىدۇ ۋە تەرەققىي قىلىدۇ. بەدىئىي ئەسەردە ئىندىۋىدۇئال خۇسۇسىيەتلىرى بىلەن گەۋدىلەندۈرۈلگەن مۇكەممەل، ئېنىق تەسۋىرلەنگەن كىشى ئوبرازى خاراكتېر دېيىلىدۇ.