يېڭى كلاسسىزم
ئەدەبىيات ئاتالغۇلىرى
1- بەزى ئالىملار 16 - ئەسىردىن 18 - ئەسىرگىچە داۋاملاشقان ياۋرۇپادىكى كلاسسىزم ئەدەبىيات - سەنئەت ئېقىمى قەدىمكى يۇنان، رىم ئەدەبىيات - سەنئىتىنىڭ تەقلىد قىلىنىشى ۋە راۋاجلاندۇرۇشى، دەپ قارىغانلىقتىن، پەرقلەندۈرۈش ئۈچۈن كېيىنكىسى ئاۋۋالقىسىغا نىسبەتەن يېڭى كلاسسىزم دەپ ئاتالغان.
2 -، 19 - ئەسىرنىڭ ئاخىر، 20 - ئەسىرنىڭ باشلىرىدا ياۋروپادا ئوتتۇرىغا چىققان بىر خىل بۇرژۇئا ئەدەبىيات - سەنئەت ئېقىمى. بەزى ئەدەبىياتچىلار ياكى سەنئەتچىلەر كلاسسىك يازغۇچىلارنىڭ، ياكى بەزى كلاسسىك ئەدەبىيات ئەنئەنلىرىنىڭ مەلۇم نۇقتىلىرىنى تەشۋىق قىلىشنى باھانە قىلىپ ئۆزلىرىنىڭ ئەدەبىيات - سەنئەت تەشەببۇسلىرىنى بازارغا سالغان. بەزىدە ئەدەبىيات - سەنئەتچىلەر مەلۇم كلاسسىك يازغۇچىنىڭ ياكى مەلۇم ئەسەرلەرنىڭ روھىنى، ئالاھىدىلىكىنى ئەسلىگە كەلتۈرۈشكە كۈچەپ ئۇرۇنغان.
20 - ئەسىرنىڭ 30 - يىللىرىنىڭ ئالدى - كەيىنىدە بەزى يازغۇچىلار كلاسسىك ئەدەبىياتنى ئۈلگە قىلىش نامى بىلەن كلاسسىك ئەنئەنىلەرنى بۇرمىلاپ، قەدىمكىنى ئەسلىگە كەلتۈرۈشنى تەرغىپ قىلىپ، ئەكسىيەتچى ئىدىيىلەرنى تەشىۋىق قىلغان. بۇ ئېقىملارمۇ يېڭى كلاسسىزم ياكى ساختا كلاسسىزم دەپ ئاتىلىدۇ.