نارەسىدە قىزلارنى ئازدۇرۇپ ئىپپەت - نومۇسىنى ساتقۇزۇش جىنايىتى

جىنايەت ۋە جازا بۇ - پۇل، ماددىي نەرسە بېرىشتەك ۋاسىتىلەر بىلەن 14 ياشقا توشمىغان قىزلارنى ئىپپەت - نومۇسىنى سېتىشقا ئازدۇرۇش، ئالداش قىلمىشىنى كۆرسىتىدۇ. 1. ئوبيېكتى - جەمئىيەت ئامانلىق تەرتىپى ۋە نارەسىدە قىزلارنىڭ جىسمانىي، روھىي ساغلاملىقى بولىدۇ. 2. ئوبيېكتىپ جەھەتتە 14 ياشقا توشمىغان نارەسىدە قىزلارنى ئىپپەت - نومۇسىنى سېتىشقا ئازدۇرغان قىلمىشنى سادىر قىلىشى بولۇپ ئىپادىلىنىدۇ. 3. سۇبيېكتى - ئادەتتىكى سۇبيېكت بولىدۇ. 4. سۇبيېكتىپ جەھەتتە قەستەنلىكتىن شەكىللىنىدۇ. 359 - ماددا 14 ياشقا توشمىغان نارەسىدە قىزلارنى ئازدۇرۇپ ئىپپەت - نومۇسىنى ساتقۇزغانلارغا بەش يىلدىن يۇقىرى مۇددەتلىك قاماق جازاسى بېرىلىدۇ، قوشۇمچە جەرىمانە قويۇلىدۇ. 361 - ماددا مېھمانخانا، يېمەك - ئىچمكە مۇلازىمەت ئورنى، مەدەنىي كۆڭۈل ئېچىش ئورنى، ئاپتوموبىل كىراكەشلىك ئورنى قاتارلىق ئورۇنلاردىكى خادىملاردىن ئۆز ئورنىنىڭ شارائىتىدىن پايدىلىنىپ، باشقىلارنى ئىپپەت - نومۇسىنى سېتىشقا ئۇيۇشتۇرغان، زورلىغان، ئازدۇرغان، سولاپ بەرگەن ۋە تونۇشتۇرغانلىرىغا مۇشۇ قانۇننىڭ 358 -، 359 - ماددىلىرىدىكى بەلگىلىمە بويىچە جىنايەت بېكىتىپ جازا بېرىلىدۇ. ئالدىنقى تارماقتا كۆرسىتىلگەن ئورۇنلارنىڭ ئاساسىي مەسئۇللىرىدىن ئالدىنقى تارماقتىكى جىنايەتنى ئۆتكۈزگەنلىرىگە ئېغىر جازا بېرىلىدۇ.